學車後記 ： 大師兄終極一課
December 19, 2023
話說柴灣「螺旋處」呢幾日行左不下數十次 但就偏偏學藝未精差點入錯圈 更重要既係落雨會響軚我都吾知 行下行下，去到常安街 看似可行既路 回頭靜心一唸才發現行 吾係吾得 但要好小心 溫故知新之，行錯路不要九估，「響台」好過「響車」 因為鬼叫我地係怕死既carlo
Day 9 of BC Training
December 18, 2023
再會我師告別校園 感覺就好似去左旅行咁 好耐無人提我揸車既壞習慣 所謂溫故知新 呢次training 又一突破 衝出新界 九龍 首次踏足香港島 好開心 雖然好緊張 多謝沿路的黃師傅，宇恆師兄，志文師兄 （排名不分先後，用見面次序計），當然吾少得Intro 的那些tutor 不過真係記名有限 期盼（要求）自己路路平安 番去訓練學校係吹水 而不是因事被操 ⛑️💪🏻
Day 6 of BC Training
December 14, 2023
繼續訓練 哈 偶遇同事 又可以集郵 Well, 揸車同做安全做一樣，應該話：每個職業司機都係機師 – that is why some companies call the Bus Operator as Captain! 佢地每個都係真正既安全人員 將理論實踐 接載每位貴賓 Every day is a new day, 路面上每日都有不同既對手 朋友 – 今日我就衰左係燈到 ，猶疑的後果 😖
緊張 期待 開心 ： 百感交雜
December 12, 2023
今日跟大師兄出車 雖然好似慢慢認得路 但仍然緊張。基本上，我大多時間都係專心路面的情況，更重要今日既訓練多左一個挑戰，呢個挑戰吾方面打係呢到，但在心中，真係師兄果句，處男下海，不過好在架車有 “protection” function 或者可以說有warning system, 對我黎講呢個係MEL (minimum equipment list) 既行程。 另外，我學車有一個指標，就係期待到有一日揸到有肌肉記憶 有能力觀察車牌既時候 才算有一定程度既熟悉。因為家下都仲係拖著拖著brake 咁行 又或者吾敢比油行某d路段。 開心既係又遇到好既前輩 悉心講解，又從不同角度出發，令我睇到教車師傅同前線既分別。 明天再出發！繼續努力！ p.S 意外發現寶藏 – 海 …幾個大站都有海。不過對於海，有時望到是覺得輕鬆，但有時望到係覺得空虛，但點解都好，2023算係不錯既開始，有開心，有焦濾，有迷失，有期望，有失望，但日子始終要過 順其自然，believe the dot will connect in the future.
學大車要必注意：盲區
December 11, 2023
學車第三日，其實第二日果陣已經見到一個熟口熟面既人 今日食完飯上到天台 無咩人 我忍吾住開口直接問 點知睇埋個證 估吾到真係重遇九記人 不過此時此刻 我們都換了牌頭 大家都在新地方重新出發。 講番今日學車第三日，有樣野真係好q 重要 每次上車都要提自己，盲區！ 其實有d交通意外真係可以避免，what if 平常道路使用者都能認識什麼叫做大車的盲區 ！ 今日張相反映到其實望鏡都不夠，雖然今日架車既位又未算好盲 不過都叫例子！ 解析番：睇右鏡見到白色車 其實就係右面已經係綠色mini 🥴
巴士學車第一課 ： 起步，停車
December 11, 2023
九記學車兩次 只記得第一次係好緊張 好興奮 好開心 不過老實說 都真係忘記了當年師傅同阿dam點教，不過今次遇到一個九記出身既城記師傳 我就講下佢點教車 。 其實，揸車話耐吾耐 之前係九記兩年埋站或要停車，我都識預早收，用吹梳，盡量希望等d 客無感停車，不過一直我都吾知點解析 直到今次再學車 師傳的解說就解通了。 巴士同其他車都差不多，有三種力：動力，衝力，扭力；兩個點： 起動點，制動點。 扭力： engine idle （無比油下）車自己行的力 動力： 比油加快果d 力 衝力： 由行駛減到變回idle 得番扭力 傳統巴士 （非電車/氫巴）有一個私家車無既減speed功能 ： 吹梳， 就係用液壓對衡衝力從而做到減speed 效果，記著！ 吹梳是用黎reduce speed only, cannot be used as the brake! 如果想穩停，就要識用吹梳將speed reduce to 得番扭力，再用真正既braking system 去達到制動點。 至於起步，巴士起步係慢嫁，但如果想平穩起步，鬆腳不比油，到左起動點就用扭力行一秒至一秒半，再慢慢平順比油，咁就吾會chock。 第一堂，師傳又搵左個位比我地practice 向前，倒後。因為每架車都有佢既起動點同制動點，如果捉到果下，咁就容易做到平順起步，柔順停止。 另外，師傅講過train 倒車既原因係想train 我地望鏡、望盲區： 呢兩樣野對職業大車司機黎講好q重要！ 分享住咁多先，有機會再打。
歡迎乘搭 期待再相會
December 10, 2023
開頭的確好緊張 因為從小到大 除左當年明報典禮 我先踏足柴灣 不過想不到2023 不但幾乎日日去 仲有機會認識曬所謂既柴灣三寶 其實真係幾具挑戰性 因為人生路不熟 今日只好再去踩踩線 總之 每次上車都要好小心 輕鬆玩車但認真揸！ p.S 大鄉里出城 原來藍灣半島係有野食 仲有海 ，大半年前我仲話點解果到咩都無 失禮失禮 😳
